《李克勤未試過被引誘　建議明星足球隊踢人入會做運動》

25/06/2004　成報．娛樂

吳浩康（阿Deep）涉嫌藏毒被捕一事轟動整個娛樂圈，李克勤昨日出席李力持與曾華倩在一片「封咪」之聲中為港台開咪主持勁讚人的節目《你真超人》記者會時透露，11歲時母親給他嘗試抽第一支香煙，感覺非常不好受，自此他對香煙便十分抗拒。

記者會上，克勤被要求講述如何是健康藝人，克勤即說：「今日好敏感，要身心健康，好似左倫（譚詠麟）咁。」對於吳浩康涉嫌藏毒，克勤自言與阿Deep不相熟，故不方便評論，等候法官審判。問到會否覺得現今的歌手不自律？克勤說：「我地或者叫明星足球隊踢人入會，叫年輕人做運動。」

11歲媽咪畀煙佢食
克勤坦言從70年代起，音樂與藥物都拉上關係，外國歌手經常發生類似事件，他希望大家不要誤解服用藥物後玩音樂會好一點，他說：「我記得當年興大麻，試過入錄音室即刻要走番出唻，因為聞到都High。（你有冇被引誘過？）我真係唔覺，可能個樣呃人似乖，同埋我唔好奇，因為屋企管教嚴。媽咪響我11歲就畀支煙我食，我就知道非常極度難食，所以就冇食煙，最重要靠自己，不過我唔係鼓勵家長咁做。睇阿Roy（周永恆）報道知道佢有後悔，正所謂經一事、長一智，希望大家畀個機會，因為係人都有錯誤。」李力持則表示談及健康藝人的題目不是為吳浩康而設的。

撐梁詠琪沒有抄歌
其全新大碟《SmartID》日前推出，當中收錄的《吻別的位置》是梁詠琪（GiGi）為克勤所作的，近日有網民指GiGi有抄襲劉德華年前國語歌《還記得我嗎》的嫌疑。身為當事人的克勤親身細聽兩首歌，發覺只有五粒音相通，覺得事件是唱片公司為宣傳而設出來的屎橋。克勤覺得撞音是經常發生的，而華仔對他說不介意，克勤說：「我地三個單位係好朋友，點會互相抄襲？真係好笑！我認為似係環球屎橋，佢地度完一次橋之後，通常唔會再話我知。（問唔問公司？）唔會，佢一定話唔係，由陳少寶年代到依家都係咁。如果GiGi抄歌，點會成兩個月先作好一首歌咁慢。」克勤笑言，提議於華仔演唱會合唱這兩首歌。

克勤與Yumiko來撐曾華倩、李力持場。

李力持、曾華倩合作開咪主持電台節目《你真超人》。